10 مواقع خرافية وممتعة هتتمني لو كنت تعرفهم من زمان | الجزء الأول
السلام عليكم , أهلا بكم في مدونتكم أونلاينات
استخدام الانترنت أصبح أساسي وثابت بشكل يومي ؛ ويضبع عليه الكثير من الوقت خصوصا في ظل هذا التطور والتحول الكبير الذي نعيش فيه ؛ وأيضا أصبح هناك الآلاف من المواقع التي تستخدم بشكل يومي منها المفيد ومنها غير المفيد ؛ بالرغم من وجود العديد والعديد من المواقع المفيدة والقيمة التي قد تضيف لك الكثير سواء في. تطوير الذات أو الحصول علي معلومات مفيدة أو لتسهيل البحث عليك في أبحاثك أيا كان المجال أو حتي في الترفيه وتحميل البرامج .
لذلك سنقوم بعمل سلسلة من المقالات وللڤيديوهات اللي سوف تحتوي علي مواقع قيمة ومفيدة ان شاء الله تضيف لك الكثير وتجعلك تتمني أن تعرفها من وقت طويل لما سوف تحصل عليه من خلالها ؛ وستكون مقسمة علي عدة أجزاء حتي لا اكون المقالات طويلة وتتمكنوا من قراءتها ان شاء الله والتطبيق عليها .
الموقع الأول
موقع dectation.io : فكرة الموقع بكل بساطة هو تحويل الصوت إلي كلام مكتوب ؛ وهو من المواقع الجبارة حقيقي اللي بتوفرلك وقت ومجهود كبير لأنه ببساطة أي شئ عايز تكتبوا سواء مقال أو بحث أو أيا كان ولا يوجد لديك وقت للكتابة يمكنك من خلال هذا الموقع أن تقرأ ما تريد كتابته بصوت مسموع من خلال الميكروفون الخاص بالجهاز والموقع في لحظات ينتجلك ما قرأت في صورة كلام مكتوب تستطيع الحصول عليه بالنسخ وتستخدموا كما تريد ؛ ويمكنك أيضا تحديد اللغة التي سوف تتحدث بها ومن ثم التي سوف يخرج لك النص مكتوبا بها .
لينك الموقع : هنا
الموقع الثاني
موقع Youglish : والموقع ده من أهم المواقع اللي ممكن تتعلم منها انجليزي بشكل صحيح ؛ وفكرة الموقع باختصار انه اي كلمة أو جملة حابب إنك تسمع النطق بتاعها بشكل صحيح بتبحث عنها داخل الموقع وهو بيوفرلك عدد كبير جدا من الڤيديوهات اللي الكلمة اتنطقت فيها في سياق الكلام عشان تسمعها من أكتر من شخص والمميز في الموضوع هو انه الڤيديوهات دي بتكون لناس أصلا أجانب يعني بتسمع النطق الصحيح فعلا للكلمة ويفضل عالق في ذهنك ؛ وطبعا من المواقع اللي برشحها جدا يعني .
لينك الموقع: هنا
الموقع الثالث :
موقع Ilovepdf :
ده موقع كنز بمعني الكلمة لأنه من خلال الموقع ده تقدر تعمل أي حاجة ليها علاقة بأي ملف pdf سواء تحويل من وإلي pdf أيا كان نوع الملف سواء ملف باوربوينت أو وورد أو اكسيل أو صورة والعكس صحيح ؛ أو حتي التعديل علي ملفين pdf أو دمجهم أو القص منهم أو أي حاجة فيها تعديل نفسك فيها هتلاقيها جوا الموقع.
لينك الموقع : هنا
الموقع الرابع
موقع Pintrest : بالنسبالي هو من أكثر المواقع المهمة اللي فعلا تدخل عليه تستلهم أفكار لصور وتصميمات مختلفة في كل المجالات أيا كان المجال اللي انت مهتم بيه وكمان صور بجودة عالية سواء صور رياضية أو مناظر طبيعية أو تصميمات مختلفة وإبداعية ؛ فالموقع فعلا مفيد ورائع .
لينك الموقع : هنا
الموقع الخامس
موقع virtual vacation: الموقع ده بقي ممتع كده وحلو جدا للناس اللي بتحب السفر وتستكشف الأماكن حول العالم بس الظروف بتمنعها أيا كان ايه هي الظروف بقي سواء اجتماعية أو امكانيات أو حتي كورونا ؛ الموقع بيديك الفرصة إنك تلف أي مدينة في العالم وتاخد تجربة إنك تتجول في المدينة دي وكأنك جواها سواء بتمشي علي رجلك أو راكب عربية وبتعيش أجواء المدينة بجد كل ده من بيتك أو من أي مكان انت موجود فيه بشكل تخيلي ؛ ودي طبعا حاجة جامدة وممتعة ممكن تجربها في وقت فراغك أو وقت عايز تفضل فيه .
لينك الموقع: هنا
الموقع السادس
موقع 100L5 : لو انت خطك وحش ؛ فده هيبقي حل ليك مش هتستغني عنه بعد كده ومش بس كده كمان لو انت سريع في الكتابة أونلاين أكتر من الكتابة يدوي فبرضو الموقع هيكون أساسي معاك ؛ لأنه باختصار الموقع بيحول الكتابة اللي بتكتبهاله بالكيبورد لكتابة بخط الايد ومش بس كده كمان بتتحكم في شكل وفونت الكتابة وكمان في شكل الصفحة سواء مسطرة أو لأ ؛ وده بيفيدك لو انت عندك بحث أو واجب مدرسي أو أكاديمي وعايز تطلعوا بأحسن شكل وبمجهود أقل وبشكل يبان كويس جدا ومنظم .
لينك الموقع : هنا
الموقع السابع
موقع Blogger : الموقع ده عكس الموقع اللي فات شوية ؛ وده حرفيا كنز من جوجل ليك لو انت بتحب الكتابة وهي شغفك ؛ زي بالظبط المدونة اللي بتقرأ عليها هذا المقال ؛ فمن خلال هذا الموقع ممكن إنك تكسب فلوس من شغفك ده وفلوس كويسة ممكن تعتمد عليها والربح ده من جوجل كمان يعني شغل فعلا يعتمد عليه وكمان شغل من الحاجة اللي بتحبها واللي ممكن تعملها بجانب شغلك الأساسي وكمان هتضيف فيها حاجة فعلا مفيدة لغيرك ؛ طبعا الموضوع مش سهل للغاية ولكنه برضو مش صعب محتاج منك وقت ومجهود وتتبع الحاجة اللي بتحبها عشان تعرف تبدأ فيها ؛ وعملنا دورة كاملة لتعلم الربح من بلوجر من أول إنشاء المدونة اللي هو أصلا بشكل مجاني لحد الاحتراف فيها وتحقيق الربح كمان .
لينك الموقع : هنا
الموقع الثامن
موقع 10Minutemail : طبعا لو انت بتستخدم مواقع كتير فبتقابلك مشكلة إنك محتاج ايميل تعمل بيه تسجيل دخول عشان تستفاد من المواقع دي لكن بتكون خايف يحصل أي مشكلة أو اختراق لايميلك ده وخصوصا لو هو ايميل مهم ومرتبك بحساباتك الأخري ؛ الحل بقي في الموقع ده لأنه يتيح ليك ايميل صحيح يمكن التسجيل بيه في أي موقع غير مضمون ومدة صلاحيته 10 دقائق وبشكل مجاني ؛ يعني بتستفاد لاللي انت عايزه من غير أي خطر .
لينك الموقع: هنا
الموقع التاسع
موقع Remove background :
باختصار الموقع بيخليك تقدر تشيل خلفية أي صورة بكل سهولة وفي لحظات من خلال ضغطة زر واحدة بشكل كويس جدا ويبان احترافي وتقدر تستخدم الصورة من غير خلفية بقي فأي حاجة انت عايزها بدون اللجوء للفوتوشوب أو أي برامج تصميم صعبة .
لينك الموقع : هنا
الموقع العاشر
موقع pnghunt :
الموقع ده بقي سابق اللي فات بخطوة بيوفر عليك جهد انك تشيل انت خلفية الصورة لأنه بيوفرلك كل الصور أصلا من غير خلفية وتقدر تستخدمها بشكل مجاني وتعيد استخدامها في أي تصميم تاني وصور لأي حاجة تيجي علي بالك وده بيوفرلك طبعا وقت ومجهود .
طبعا كل المواقع دي مواقع مجانية ومفيدة وممتعة ؛ وأنا شخصيا حابب السلسلة دي من المقالات والڤيديوهات فلو حابين اننا نكمل فيها ادعمونا عشان ده لسه الجزء الأول منها وان شاء الله الأجزاء الجاية هتكون أقوي وأقوي وهتعجبكم جدا عشان نعظم الاستفادة قدر الامكان من استخدام الانترنت .
لينك الموقع : هنا
شكرا .
تعليقات
إرسال تعليق